POLÍTICA AMBIENTAL
Seguimos apostando polas enerxías renovables
O noso compromiso ambiental coa instalación de 100 paneis solares.
Desde os seus inicios, ACEROLED quixo transmitir a súa preocupación e coidado polo medio ambiente e sobre todo polo custo e impacto que a produción de enerxía ten no noso planeta. É por iso que dende que a empresa se trasladou ás súas actuais instalacións optou por unha fonte de enerxía como a eólica, contando cun aeroxerador de 3Kwh.
Lonxe de deterse aí, ACEROLED asumiu unha ambiciosa aposta por seguir coas enerxías renovables coa posta en marcha dun proxecto financiado pola Unión Europea – NextGenerationEU para a instalación de 100 paneis solares. Esta instalación fotovoltaica ocupa unha superficie duns 220m2 na cuberta da nosa fábrica, e representa unha potencia de 45,0 kWp, polo que cada un dos paneis proporciona 455 watts pico. Isto permítenos dispor de enerxía limpa, verde e renovable duns 48,0 kWp na nosa fábrica, o que nos axudará a descarbonizar a enerxía que necesitamos e mellorar así a calidade do aire e o medio ambiente.
Os nosos números
En total, os cálculos indican que o noso consumo anual actual é duns 56.939 kWh e a planta será capaz de producir un total de 47.733 kWh, o que nos permitirá reducir nun 75,57% anual o consumo derivado das enerxías non renovables. A produción variará en función dos meses, nos períodos con máis horas de luz e mellores condicións atmosféricas proporciónanos máis do 90% do consumo, mentres que nos períodos con menos horas proporciónanos máis do 50%.
Pero ademais do aforro na factura da luz, a vantaxe desta aposta polas enerxías renovables é que reducirá a emisión de CO2 á atmosfera Os cálculos das primeiras probas indican que unhas 14 toneladas de dióxido de carbono deixarán de ser producimos carbono ao ano e permitiranos aumentar a nosa produción sen que isto supoña un maior custo nas emisións de CO2 tan prexudiciais para o noso planeta.
